ताप्लेजुङ। इलामको नेपालटार नजिक सवारी दुर्घटना भएको छ। झापा जाँदै गरेको बोलेरो जिप र ताप्लेजुङ तर्फ आउँदै गरेको मोटरसाइकल एकआपसमा ठोक्किँदा दुर्घटना भएको हो।

दुर्घटनामा कञ्चनजङ्घा बोर्डिङ स्कुल ताप्लेजुङका शिक्षक कुलप्रसाद पौडेल र फुङलिङ–२ नागेश्वरी घर भई दोभान बजारमा व्यवसाय गर्दै आउनु भएका गङ्गाराम गुरागाईं घाइते भएका छन्।

गङ्गाराम गुरागाईंको एउटा हात र एउटा खुट्टा भाँचिएको अनुमान गरिएको छ भने कुलप्रसाद पौडेललाई सामान्य चोट लागेको र अवस्था सामान्य रहेको बताइएको छ।